Jarumi a Kannywood, Al-Ameen M. Auwal, a shekaranjiya Juma’a ya auri sahibar sa Rabi’atu Sidi Sani (Walida) a Kano.
An ɗaura auren Al-Ameen da Rabi’at da misalin ƙarfe 1 na rana a masallacin Juma’a na Zamzam da ke Unguwar Hotoro Tsamiyar Boka.
Al-Ameen dai fitacce ne a Kannywood, domin an daɗe ana damawa da shi a matsayin furodusa, darakta, kuma mai ɗaukar hoton bidiyo.
Masu kallon shirin diramar ‘Daɗin Kowa’ na tashar Arewa 24 kuma sun shi a matsayin Haidar na Gimbiya.
