ALLAH ya albarkaci jarumin Kannywood Jamilu Ibrahim (Home Alone) da samun ƙaruwar ‘ya mace wadda matar sa Sumayya ta haifa masa a ranar Alhamis 17 ga Agusta.
A jiya Alhamis, 24 ga Agusta, 2023 aka yi taron raɗin sunan jaririyar inda aka raɗa mata suna Hannatu.
Sumayya ‘ya ce ga fitacciyar jarumar Kannywood, Hajiya Asma’u Sani.
Ɗimbin ‘yan’uwa da abokan arziki da dama sun halarci taron bikin.
Wannan dai ita ce haihuwa ta biyar da Sumayya ta yi tun daga farkon auren su da Jamilu Ibrahim; su na da ‘ya’ya maza uku da mata biyu. Yanzu jikokin Asma’u sun zama su biyar kenan.
Allah ya sanya albarka a rayuwar su, amin.
