SHUGABAN riƙo na Haɗaɗɗiyar Ƙungiyar Masu Shirya Finafinai ta Nijeriya (MOPPAN) na ƙasa, Alhaji Habibu Barde Muhammad, zai aurar da ɗan sa, Najib a ranar Asabar mai zuwa.
Za a ɗaura auren Najib Habibu Barde da masoyiyar sa, A’isha Aminu Saley, da misalin ƙarfe 11:00 na safe a gidan marigayi Malam Suley Ɗan Gogel da ke Layin Faruk Mustapha, daura da Layin Alhaji Sarauta, a Azare, Jihar Bauchi.
Mujallar Fim ta ruwaito cewa Alhaji Habibu Barde na gayyatar kowa da kowa, amma wanda bai samu damar halarta ba, ya yi wa ango da amarya addu’a.
