ALLAHU Akbar! A yau Laraba, Allah ya ɗauki ran furodusa a Kannywood, Aminu S. Sufi.
Furodusan, wanda aka fi sani da Sufi Nakowa, ya rasu ne a gidan sa da ke Titin Lokoja, unguwar Rigasa, a Kaduna, bayan jinya da ya yi ta tsawon wata shida.
Malam Aminu, mai kimanin shekara 38 a duniya, ya rasu ya bar mata ɗaya da ‘ya’ya huɗu.
An yi jana’izar sa da misalin ƙarfe 8:00 na safe a ƙofar gidan sa, daga nan aka kai shi gidan sa na gaskiya.
Wasu daga cikin ‘yan fim da su ka halarci jana’izar sun haɗa da Mustapha M. Shareef, Alfazazee Muhammad, Sulaiman Sir Zeesu, Abdul SD, Abdul M. Shareef, Buhari Gwaje, Dini Yarima, Sadiq Smart, Aminu Jahilin Malami, Ya’u Boza, Abban Waƙa, Aminu Haske, Abdullahi Abu Uku, Al-Amin Arewa da Najib Marubuci.
A waɗanda su ka je ta’aziyya akwai Ibrahim Al-Imash, Ibrahim Edita, Baba Abu, Ɗanladiyo Mai Atamfa, Babangida Afto, Jidda Rijau, Hajiya Fati Wuff, Maryam Malika da Hadiza Baka.
Allah ya jiƙan sa da rahama, amin.
