A YAU Asabar, 29 ga Maris, 2025, haɗakar Hukumomin tsaro a Jihar Kano suka yi wani sintiri na musamman domin ƙarfin su, da nufin tabbatar da zaman lafiya a lokacin bukukuwan Karamar Sallah da za a yi a gobe.
An yi sintirin na gwanon motoci a muhimman wurare daban-daban a faɗin jihar domin nuna yadda ‘yan sanda tare da haɗin gwiwar sauran hukumomin tsaro suka yi shirin ko-ta-kwana don tabbatar da tsaro a lokacin shagulgulan sallar.
Kakakin rundunar ‘yan sanda ta Jihar Kano, SP Abdullahi Haruna Kiyawa, ya ce hukumomin da suka shiga sintirin sun haɗa da ‘yan sanda, sojoji, DSS, NSCDC, Imagireshin, Kwatsam, Hukumar Gidan Yari, NDLEA, da FRSC.
