MAWAƘI a Kannywood, Malam Muhammad Gali Yusuf, wanda aka fi sani da Galin Money, zai aurar ‘ya’yan sa mata guda uku.
Za a ɗaura auren Nafisa Gali Money da sahibin ta Muhammad Hadi, Batula Gali Money da masoyin ta Hamisu Ahmad, sai kuma Khadija Gali Money da Sa’ad Sabitu, da misalin ƙarfe 2:30 na rana a ranar Juma’a, 22 ga Nuwamba, 2024, a gida mai lamba 78, Unguwar Kusfa, Zariya, Jihar Kaduna.
Akwai walima da zaran an kammala ɗaurin auren.
Galin Money shahararren mawaƙi ne mazaunin Zariya wanda ya yi fice da waƙar fim ɗin ‘Wasila’ na furodusa Yakubu Lere. Ya yi ɗimbin wasu waƙoƙin da suka samu karɓuwa, ta baya-bayan nan ita ce wata mai suna ‘Mutum’ inda yake bayyana halin ɗan’adam.
