A YAU Talata ne tsohuwar jaruma a Kannywood, Hajiya Rasheeda Adamu Abdullahi, wadda aka fi sani da Rasheeda Maisa’a da mijin ta Alhaji Aliyu Adamu (Sardaunan Matasan Gwoza) su ka cika shekara ɗaya cif da aure.
Rasheeda ta tura hotunan musamman guda biyar a guruf ɗin ‘Kannywood Family’, inda aka gan ta tare da mijin ta Alhaji Aliyu.
Sai kuma ta tura da saƙon murya (voice note) da cewa, “Yan Kannywood Family barkan ku da safiya, da fatan kowa ya tashi lafiya. To ga ‘yar ku nan, ‘yar’uwar ku, ‘yar ƙanwar ku, a yi min addu’a, Allah ya ƙara mana zaman lafiya da miji na, yau mun cika shekara ɗaya, yau mun shekara ɗaya da aure, Allah ya tabbatar mana da alkhairi.”
Allah ya ƙara masu zaman lafiya da ƙaunar juna.
