DARAKTA a Kannywood, Kamal Sani Alƙali, wanda aka fi sani da suna Kamal S. Alƙali, zai ƙara aure ranar Juma’a mai zuwa.
Za a ɗaura auren sa da sahibar sa, jaruma kuma furodusa a Kannywood, Hauwa Shu’aibu Garba, wadda aka fi sani da suna Maama H.S.G., a ranar 17 ga Maris, 2023, da misalin ƙarfe 1:00 na rana, a masallacin Juma’a da ke layi na 19, Shagari Quarters, Kano.
Wannan aure dai tuwo na mai na ne, kamar yadda furodusa Abubakar Bashir Maishadda ya auri jaruma Hassana Muhammad a shekarar sa ta gabata.
Sai dai ba a ga hotunan kafin auren su ba kamar yadda aka saba ganin yawancin ‘ya’yan masana’antar shirya finafinan Hausa su na yi.
