KWAMITIN zaɓen Ƙungiyar Masu Shirya Finafinai ta Ƙasa, (MOPPAN) ta naɗa kwamitin tantancewa na zaɓen ƙungiyar mai zuwa.
Sakataren Kwamitin Zaɓen, Malam Ibrahim L. Ibrahim, shi ne ya sanar da hakan a wata takarda mai ɗauke da sa hannun sa.
Malam Ibrahim ya ce, “Kwamitin zaɓe na ƙasa mai zaman kan sa na ƙungiyar ‘MOPPAN’ na farin cikin sanar da naɗin kwamitin tantancewa a zaɓen MOPPAN na ƙasa mai zuwa a ƙarƙashin ikon kwamitin zartarwa.”
Ya kuma ƙara da cewa, “Wannan naɗin ya fara aiki nan take, kuma an ɗora wa kwamitin alhakin sa ido kan tsarin tantancewa na gaskiya da gaskiya, wanda ya dace da kundin tsarin mulkin MOPPAN da nufin tafiyar da dukkan masu ruwa da tsaki a masana’antar domin samar da sabon shugabancin MOPPAN a watan Janairu, 2025.”
