A YAU kotun da ke sauraron ƙarar da wasu malaman Kano su ka kai jaruma Murja Ibrahim Kunya ta sake aikawa da ita tare da ƙarin wasu mutum uku zuwa gidan yari.
Mutanen uku su ne babban abokin Murja ɗin, wato Ashir Idris, wanda aka fi sani da Maiwushirya, Aminu BBC da Sadiq Shehu Shariff wanda ya yi waƙar ‘A Daidai Ta Nan’.
Wata ƙungiya mai suna Zauren Malaman Kano ita ce ta yi ƙarar matasan bisa zargin sun wallafa bidiyoyin baɗala a dandalin TikTok.
Ana tuhumar Murja da Real Ashir Idris da yin bidiyon batsa a TikTok, inda ya amsa laifin sa yayin da ita kuma ta musanta.
Shi ma Aminu BBC an tuhume shi da yin bidiyon batsa a TikTok, amma shi ma ya musanta.
Shi ma Sadiq Shehu Shariff, wanda aka tuhuma da yin waƙar batsa, ya musanta zargin.
Da lauyoyin su su ka nemi a ba su belin su, sai dai lauyan gwamnati ya yi suka, ya nemi a ba shi mako guda domin ya yi martani.
Kotun ta amince, kuma ta tura su zuwa gidan yari har zuwa ranar 23 ga Fabrairu, 2023.
Dangane da tuhumar da aka soma yi wa Murja a zaman da ya gabata kuwa, Murja ta rubuto takardar tuba, inda kotun ta ce za ta yi nazarin ta kafin zama na gaba.
Comment:aiwannan baijamata ba maishadda ka zo kayi wayau wlh kannan ka ma sun fika wayau