WATA jami’a mai suna European American University daga ƙasar Panama za ta ba fitaccen mawaƙi Alhaji Dauda Adamu Kakutu (Rarara) digirin girmamawa na dakta jibi Asabar.
Za a gudanar da taron bada digirin a otal ɗin NICON Luxury da ke Garki, Abuja, da misalin ƙarfe 11:30 na rana.
Za a ba Rarara digirin ne a matsayin sa na fitaccen mawaƙi wanda ya bayar da gudunmawar a fannin cigaba a waƙoƙin Hausa.
Wannan shi ne karo na farko da zai samu irin wannan babbar karramawar mai girma.
Jami’o’i daga ciki da wajen ƙasar nan sun sha bai wa mawaƙan Hausa digirin girmamawa na dakta. Sun haɗa da Jama’ar Ahmadu Bello (ABU) ta Zariya da ta ba Alhaji Mamman Shata, da Jami’ar Jos ta ba Alhaji Adamu Ɗanmaraya Jos.
A mawaƙan zamani ma akwai Aminu Ladan Abubakar (Ala) da wata jami’a da ke ƙasar Togo ta ba shi shekaru biyar da suka gabata, da Nura M. Inuwa da ya samu daga jami’ar Maryam Abacha American University.
A ‘yan kuma, Ali Nuhu da Abdul Amart Mohammed ma an ba su.
