ALLAH ya azurta sanannen mai ba da kayan sawa kuma jarumi a Kannywood, Muhammad Sadiqu Ahmad, wanda aka fi sani da Sadiqu Artist, da ɗiya mace.
Amaryar sa, Amina Aminu Muhammad, ta haihu a jiya Laraba da misalin ƙarfe 6:30 na yamma a Asibitin Koyarwa na Malam Aminu Kano da ke Kano.
Sadiqu ya raɗa wa jaririyar suna Halimatus Sadiya.
Mujallar Fim ta ruwaito cewa an ɗaura auren Sadiqu da Amina a ranar Asabar, 27 ga Mayu, 2023 a masallacin Wudilawa da ke Titin gidan Sarki, kusa da sakatariyar Municipal, a birnin Kano.
Allah ya raya Halimatus Sadiya, ya albarkaci rayuwar ta.
