A SHEKARANJIYA Lahadi Allah ya ɗauki ran mahaifiyar shahararren darakta a Kannywood, Alhaji Waziri Zaiyanu.
Hajiya Rakiya Tanko Waziri (Iyani) ta rasu gab da lokacin sallar La’asar a gidan ta da ke Dodo Street, Jos, Jihar Filato, sakamakon rashin lafiya na jikin tsufa.
Dattijuwar, mai kimanin shekaru 80, ta rasu ta bar ‘ya’ya bakwai, cikin su har da Waziri wanda shi ne ɗan ta na farko kuma tsohon ma’aikacin NTA ne.
An yi jana’izar ta bayan sallar la’asar a nan gidan ta.
‘Yan fim da su ka je ta’aziyya sun haɗa da Salisu Mu’azu, Auwalu Salihu da Tijjani Faraga.
Allah ya rahamshe ta, amin.
