ALLAHU Akbar! Allah ya ɗauki ran mahaifiyar furodusa kuma jarumi a Kannywood, Alhaji Musa Aminu Carlos (Wamban Ƙaya).
Hajiya Sahuratu Aminu ta rasu a lokacin bacci, wanda ta kwanta tun misalin ƙarfe 10:00 na daren Asabar, sai da asubahin ranar Lahadi, 3 ga Maris, 2024 da misalin 5:00 aka je tashin ta domin sallah, aka tarar da rai ya yi halin sa, a gidan ‘yar ta da ke Zangon Shanu, Samaru, Zariya.
An yi jana’izar ta da misalin ƙarfe 11:40 na safiyar Lahadin, a garin Ƙaya da ke Ƙaramar Hukumar Giwa, Jihar Kaduna.
Dattijuwar, mai kimanin shekara 72, ta rasu ta bar ‘ya’ya bakwai, shida mata, namiji ɗaya, shi ne Musa Carlos, kuma shi ne na uku a cikin su.
Alhaji Musa Aminu Carlos, mazaunin Zariya ne a Jihar Kaduna.
Allah ya jiƙan Hajiya Sahura da rahama, amin.
