BABBAN furodusa a Kannywood kuma shugaban ƙungiyar YBN Network Group, Abdul Amart Mohammed, a yau ya jaddada soyayyar sa ga matar sa Fatima a daidai ranar da su ka cika shekara bakwai da aure. Ya ce ita ce jigon rayuwar sa.
Furodusan ya yi bayanin yadda rayuwar auren su ta kasance tare da Fatima a wani saƙo da ya wallafa a Instagram. Ya wallafa ƙayatattun hotunan shi inda aka gan shi tare da Fatima da ‘ya’yan su uku.
A bayanin da ya yi da Turanci a saƙon, wanda ya fassara shi zuwa Hausa, Abdul Amart ya ce, “My wife in this world and in Jannah in-sha Allah.”
Ya ci-gaba da cewa, “It’s been 7 years of our union. In these years she has given me happiness, pure love, friendship and above all her undying support. I thank Allah for blessing us with 3 beautiful kids – Al’Ameen, Ayman and Amatullah. They are the symbol of our undying love.
“Today, I celebrate our love, mutual commitment, and great sacrifice. a celebration of togetherness and a joyful moment. My love for her is endless. She mean the world to me. Happy 7th anniversary to us!
“I pray that God in His infinite mercy give us the strength to withstand all obstacles and keep us united and our love to last till eternity.”
A Hausa kuma ya ce, “Mata ta a duniya kuma mata ta a Aljannah in-sha Allah.
“Yau shekara 7 daidai da Allah ya azurta ni da auren ta. A wannan shekarun na samu farin ciki, kwanciyar hankali da kuma kulawa na musamman daga gare ta.
“Ina matuƙar godiya ga Ubangiji da ya azurta mu da kyawawan yara har guda 3, Al-Ameen, Ayman, da Amatullah. Haƙiƙa su ne shaidar soyayyar mu.
“A yau ina cikin mutaƙar farin ciki na soyayyar mu, da kuma duk ɗawainiyar da ta ke yi da ni da kuma farin cikin da ta ke saka ni. Ina matuƙar ƙaunar ta kuma ina alfahari da ita.”
Abdul Amart ya kuma ce wa Fatima, “Ina taya ki murnar shiga shekara bakwai da auren mu.”
Daga nan ya yi addu’a da cewa, “Ina roƙon Allah ya kare mu daga dukanin sharri kuma ya ƙaro mana danƙon soyayya na har abada.”
Mujallar Fim ta ba ku labarin cewa an ɗaura auren Abdul Amart da Fatima a ranar Asabar, 26 ga Maris, 2016.
