WANI kamfanin shirya finafinai da ke Legas mai suna ‘Duke of Shomolu Productions’ ya bayyana cewa a ranar 6 ga Agusta, 2022 zai ƙaddamar da wasan kwaikwayo na daɓe wanda ya shirya kan rayuwar tsohon Sarkin Kano, Khalifa Muhammadu Sanusi II.
Wasan, mai taken, ‘Emir Sanusi: Truth in Time’, za a ƙaddamar da shi ne a ɗakin taro na Shehu Musa ‘Yar’Adua Centre da ke Abuja.
Khalifa Sanusi II shi ne Sarkin Kano na 14 a daular Fulani, kuma zai halarci taron da kan shi.
A sanarwar da kamfanin da ya shirya diramar ya bayar, ya bayyana sarkin da cewa, “Mutum ne mai tsage gaskiya komai ɗacin ta, kuma ba ya da tsoro, mai zummar kawo sauyi irin na zamani, mai son ganin an inganta rayuwar ƙananan yara mata, sannan kuma malami ne.”
Ya ƙara da cewa shi wannan wasan kwaikwayo da aka shirya, “zai yi magana ne kan yanayin rayuwar sarauta ta Sarkin da kuma kakan sa a daidai lokacin da ake adawa da shi kamar yadda wasu mutum biyu da su ka yi aiki na kurkusa da su su ka bayyana.”
Haka kuma masu shirya wasan sun ce wannan shi ne karo na farko da babban mutum kamar Khalifa Muhammadu Sanusi II zai hau kan dandamalin wasan kwaikwayo ya amsa tambayoyi a birane biyu a wata fitowa ta musamman da ɗan wasa Yemi Shodimu ya tsara.
Wasan zai nuno rayuwa da dirama da ƙulle-ƙullen da aka yi wajen tuɓe Sarki Sanusi daga sarautar sa, kuma an samu ingantattun bayanai kai-tsaye daga dogaran sarkin.
Fitaccen marubuci kuma masanin harkar wasan kwaikwayo ɗin nan, Farfesa Ahmed Yerima, shi ne ya rubuta diramar, kuma Mofoluwake Oriyomi Edgar ya ɗauki nauyi tare da tallafin Ahmed Mohammed Ahmed, Babangida Sule Junior, Fatima Wali-Abdurrahman da Kola Karim.
Manyan kamfanoni da bankuna sun bada tallafi wajen shirya wasan.
Za a nuna wasan kwaikwayon a lokaci ɗaya a Cibiyar Shehu Musa Yar’Adua da ke Abuja da ƙarfe 4 da ƙarfe 6 na yamma a ranar 6 ga Agusta da kuma MUSON Centre da ke Legas a ranakun 6 da 7 ga Agusta, 2022.
Kuɗin tikitin shiga kallo N5,000 ne, sai na manya N20,000 da kuma na musamman N50,000 kowane mutum.
TSUNTSUN DA YA KIRA RUWA SHI RUWAN KAN DOKA.
SHI YANA SON AYIMASA BIYAYYA AMMA SHI YA RAINA KOWA.
IN DA GASKIYA AYI MANA BAYANIN KUDI NAWA MARIGAYI ADO BAYERO YA BARI, KUMA YA AKAYI DADU?
IN YANA DA GASKIYA YA FADA MANA SO NAWA AKA ZAUNA DASHI DON SULHUNTA TSAKANINSHI DA GANDUJE KUMA WAKE BADA HAKURI DA CEWA BA ZAI SAKAKE TAKALAR WANI BA?
MU MUN DADE DA SANIN KAREN BANA SHIKE MAGANIN ZOMON BANA. KUMA ME LAYA YA KIYAYI ME ZAMANI👍🤝🙏