FITACCEN mawaƙin yabon Manzon Allah (S.A.W.), Sayyadi Mahmud Nagudu, zai gabatar da taron Mauludi a ranar Lahadi mai zuwa a Kano.
Za a gudanar da taron ne tare da ƙungiyar Shafi’ul Asqam Al-Amiyya, ƙarƙashin jagorancin Nagudu da Sayyadi Faruq Sufi.
Za a yi taron a ranar Lahadi, 22 ga Rabi’ul Sani, 1448 AH, wadda ta yi daidai da 4 ga Oktoba, 2026, a unguwar Kuntau, Layin Ogiba, cikin birnin Kano.
An tsara yin taron daga ƙarfe 7:00 na yamma zuwa ƙarfe 12:00 na dare.
Ana sa ran manyan malamai za su gabatar da wa’azi da jawabai kan rayuwar Manzon Allah (S.A.W.) da koyarwar sa, yayin da manyan sha’irai daga sassa daban-daban za su gudanar da waƙoƙin yabon Annabi.
Mahud Nagudu ya shahara wajen gabatar da waƙoƙin yabon Manzon Allah (S.A.W.), kuma taron Mauludin yana daga cikin abubuwan da yake shiryawa a kai a kai duk shekara.
