INNA lillahi wa inna ilaihir raji’un! Da safiyar yau Alhamis, 28 ga Oktoba, 2021 Allah ya ɗauki ran matar mawaƙin nan da ke Kaduna, El-Bash Muhammad.
Nana Firdausi Nuhu ta rasu a gidan mijin ta da ke Green Finger, Unguwar Rigachikun, Kaduna, bayan gajeruwar rashin lafiya.
Ta rasu ta na da kimanin shekara 26 a duniya.
An sallaci marigayiyar da misalin ƙarfe 1:00 na rana a ƙofar gidan mijin, sannan aka kai ta gidan ta na gaskiya a maƙabartar Rigachikun.
Marigayiyar ta rasu ta bar mijin ta da ‘ya’yan su guda biyu, Saleem da Aminatu (Mama).
Allah ya jiƙan ta da rahama, ya kuma albarkaci dukkan abin da ta bari, amin.
