A YAU aka shiga rana ta uku ta Biki Da Baje-kolin Finafinan Harsunan Gadon Afirka na Kano, wato ‘Kano Indigenous Languages of Africa Film Market and Festival’ tare da jawabai da koyar da darussa .
Mujallar Fim ta ba ku labarin cewa a rana ta farko an buɗe taron da liyafar maraba da baƙi ne.
A rana ta biyu aka gabatar da jawabai a Sashen Koyar da Yaɗa Labarai da ke Jami’ar Bayero tare da koyar da darussa a game da harkar fim, wato ‘Master Class’.
Masana daga ciki da wajen Nijeriya sun gabatar da laccoci a kan rubutun labari, aikin kyamara, aktin da kuma bada umarni a tsawon wuni biyu da aka yi.
A gefe guda ana hada-hadar baje-kolin kayan gargajiya na Afrika da saƙa, haɗa zane-zane saka abinci da kuma turaruka.
Haka kuma za a ci gaba da kallon finafinai a sinima, wasannin gargajiya, kaɗe-kaɗe, langa, dambe da cin abinci da misalin ƙarfe 8 na dare a Gidan Ɗanhausa da ke Titn Sokoto.
