Mahaifiyar darakta Hafizu Bello, Gwaggo Hasiya, ta rasu ɗazu

INNA lillahi wa inna ilaihir raji’un! Allah ya yi wa mahaifiyar darakta a Kannywood, Hafizu Bello, rasuwa.

Mahaifiyar, Gwaggo Hasiya, ta rasu ɗazu a Kano bayan ta yi fama da rashin lafiya.

Hafizu Bello da kan sa ya tabbatar da  rasuwar a saƙon tes da ya turo wa da mujallar Fim inda ya bayyana cewa za a yi jana’izar ta gobe Lahadi da misalin ƙarfe 9 na safe a gidan ta da ke Gyaɗi-Gyaɗi daura da Gadar Lado.

Allah ya jiƙan ta, amin.