Sabon salo: Daso na neman tallafi a bikin zagayowar ranar haihuwar ta ta

JARUMAR Kannywood, Saratu Giɗaɗo (Daso), ta fito da wata sabuwar sara ta yin bikin bikin murnar zagayowar ranar haihuwa inda ta nemi masoyan ta da su tura mata kuɗi don taya ta murna.

A wani saƙo da ta wallafa a soshiyal midiya jiya, Daso ta yi wannan sanarwar tare da yin murnar ranar da ta ƙara a cikin shekarun ta, inda ta ƙara da cewa: “Amma ni ba na yin taron mutane wai dan murnar cikar shekara, amma ga bank details ɗi na nan ana iya tura min kuɗi don taya ni murna. Don haka ga Lambar asusun ajiya ta na banki nan ga duk wanda zai tura mini”.

Jama’a dai da dama sun yi mata fatan alheri tare da roƙon Allah ya ƙara shekaru masu albarka.

Jarumar ‘yar wasan barkwanci ta wallafa lambar asusun ajiyar nata ba tare da ɓata lokaci ba.