BABBAR Kotun Jihar Kano ta ba da umarnin a kamo mata mawaƙi Ado Isa Gwanja tare da haramta masa yin waƙa ko zuwa taron biki.
Hukuncin ya biyo bayan ƙarar da Majalisar Malamai ta jihar ta shigar ta na ƙalubalantar salon da Gwanja ya ke yi a waƙoƙin sa.
Sai dai bayan haka Gwanja ya garzaya kotun inda ya nemi ta ba shi kariya wajen hana kama shi.
A zaman kotun na yau, kotun ta yi umarnin da a kama shi tare da hana shi yin waƙoƙi da kuma halartar taron gidan biki har zuwa lokacin da za a kammala bincike.
