FITACCEN mawaƙin Kannywood, Musa Muhammad, wanda aka fi sani da suna Ɗan Musa Gombe, ya fitar da hotunan kafin aure (pre-wedding pictures) ɗin su a yau.
Yadda Ɗan Musa da Salmah su ka ɗauki hotunan sun burge kowa, domin babu rungume-rungume kamar yadda aka saba ganin na wasu.
Mawaƙin ya ɗora hotunan nasu ne a Instagram, inda a ƙasan hoto na farko ya rubuta, “Exactly one week today!”
A hoto na biyu kuma da ya ɗora, sai ya rubuta, “The beginning of forever insha Allah.”
Mujallar Fim ta gono cewa ango da amaryar sun buɗe wani shafi a Instagram mai suna ms_lovestruck tun a ranar 27 ga Yuni, 2022, inda a nan su ka fara yaɗa katin auren. A shafin ma sun ɗora hotuna biyu, duk sun rubuta, “Exactly one week today, Allah ya nuna mana” a ƙasan su.
Mujallar Fim ta ba da labarin da ke nuna yau saura mako guda a ɗaura auren Ɗan Musa Gombe da Salmah Abdulazeez Chado.
